பக்தி....?

ஆண்மை அடக்கிடவே ஆண்மையற்ற சாமியார்
ஆன்மா அடக்குவதாய் "அள்ளிவிட்ட"_ வீண்பொய்யை
நம்பியே ஏமாந்தோர் நம்பும் பழமொழி ,
"வெம்பிப் பழுத்தபக்தி வீண்".

தண்ணீர்

உலகின் திரவ உயிர்மூச்சு ! நாளை

கலகம் பிறந்துசுடு காடாய் - உலகழிய

நீரே கரணியமாய் நிற்குமெனில் ஈரமன

நீரே"தீ" யாகும் நிகழ்வு.

புலமைப் புதிர்

முன்னிரண்டின் கையில் முடிவிரண்டும் நாசந்தான்

பின்னிரண்டும் பாவாகும்! பேசாத - அன்னமே

ஊரறிந்த தில்லை; உயர்ந்தோரே கூடுமது

நேரத்தைச் சுட்டும் நிகழ்வு !

யாப்பியல்

அப்பாவை அப்பாவை அப்பாவைப் பாவகையுள்

எப்பா வகையென்றே ஈர்வதென்றாள் _ அப்பாவும்

யாப்பியல் கற்றிடுநீ; யாண்டும் கவியியலில்

மூப்பாயென் றாரே முனைந்து.